Bashkëshorti i saj, Kanye West, u përfshi së fundmi në një zënkë të rëndë publike në “Twitter” me ish-të dashurën e tij, Amber Rose dhe ish-burrin e kësaj të fundit, Wiz Khalifa.
Por duke i suprizuar të gjithë, Kim Kardashian publikoi një fotografi shumë miqësore në Instagram me 32-vjeçaren Amber, duke treguar se gjërat janë normalizuar.
35-vjeçarja Kim e postoi selfie-n këtë të martë, duke treguar se ajo nuk ka asnjë ndjesi negative për Amber, me përshkrimin: “Do njeri çaj?”. E njëjta fotografi u publikua edhe nga Amber.
Në foto të dyja duken shumë pranë njëra-tjetrës, ku Kim shfaqet e thjeshtë dhe me flokët e kapur në gërsheta të vegjël. Të dyja janë të veshura me të zeza, ku Amber ka një xhaketë lëkure nga Alexander McQueen dhe buzëkuq të kuq.
Fotografia filloi të komentohej menjëherë, nisur nga fakti që pak ditë më parë Amber dhe Kanye janë ofenduar rëndë me disa shkrime në “Twitter”.
Burimi: Daily Mail
