Pink është e martuar prej 15 vitesh me Carey Hart dhe lidhja e tyre është forcuar akoma më shumë me vitet. Ndërkohë që shumica e lidhjeve të showbizit nuk zgjasin shumë, Pink dhe Carey kanë luftuar fort për të ruajtur marrëdhënien e tyre. Si sot para 15 vitesh ata kanë kurorëzuar me martesë dashurinë e tyre dhe Pink ka zbuluar sekretin e një martese të lumtur dhe kaq jetëgjatë.
Këngëtarja e njohur ka postuar në Instagram disa nga fotot më të bukura, që ka realizuar ndër vite me partnerin e saj. Ajo e ka uruar për 15-vjetorin e martesës dhe është shprehur se ka qenë kokëfortësia ajo që i ka mbajtur bashkë për kaq shumë vite me radhë.
“15 vite. Krenare për ne zemër. E shikon, ndonjëherë të jesh kokëfortë paguhet. Çfarë udhëtimi i egër ka qenë, derisa mësuam të qëndrojmë në pistën tonë. Për 15 muajt e ardhshëm hahaha. Të dua ty dhe familjen tonë”, ka shkruar Pink përkrah fotove të tyre.
View this post on Instagram
Në fakt lidhja për ta nuk ka qenë fare e lehtë, sepse dyshja kanë pasur ulej-ngritjet e tyre si në çdo marrëdhënie. Në vitin 2008-të ata u ndanë për pak kohë, por u rikthyen sërish në krahët e njëri-tjetrit në vitin 2011-të. Më pas ata u bekuan me një vajza që i vendosën emrin Willow Sage dhe me një djalë të quajtur Jameson Moon.
