Janë konfirmuar 15 raste me COVID-19 në 24 orët e fundit, duke e çuar në këtë mënyrë numrin total të të infektuarve në vendin tonë në 1212.
Rastet pozitive janë regjistruar: 10 në Tiranë, 2 në Kamëz dhe 3 në Shkodër.
Bëhet me dije se 2 rastet në Kamëz janë infektuar gjatë një ceremonie mortore. Nisur nga kjo Ministria e Shëndetësisë ka theksuar se ceremonitë mortore nuk janë të lejuara, pasi janë rrezik për shpërndarjen e infeksionit.
Në spitalin infektiv aktualisht po trajtohen 24 të prekur, nga të cilët 5 janë në terapi intensive, njëri prej tyre është i intubuar.
Gjatë 24 orëve të fundit janë sheruar 12 qytetarë, duke e çuar numrin total të tyre që nga fillimi epidemisë në 910.
Në vendin tonë janë 269 persona aktivë me COVID19, ku në Tiranë janë rreth 69% e të prekurve, kurse pjesa tjetër janë kryesisht në Durrës, Shkodër, Kamëz, Krujë.
Sipas përditësimit të sotëm të Ministrisë së Shëndetësisë gjatë 24 orëve të fundit janë testuar 162 qytetarë si të dyshuar të prekur me Covid-19 dhe janë konfirmuar vetëm 15 raste pozitive.
COVID-19 – Statistika
Testime totale 17844
Testime molekulare 15809
Testime serologjike 2035
Raste pozitive 1212
Raste të shëruara 910
Raste Aktive 269
Humbje jete 33
(Qarku Tiranë 20, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive:
Tiranë 185
Krujë 22
Kamëz 14
Shkodër 14
Durrës 12
Mat 9
Lushnje 6
Berat 2
Fier 2
Korçë 1
Librazhd 1
Mallakastër 1
