Të gjithë e kemi kaluar atë fazën ku kemi pasur vështirësi me grimin. Pavarësisht se makijazhi në moshën e adoleshencës nuk është e nevojshme do t’iu duhet që në këtë periudhë të mësoni se si mund të kuroni imazhin tuaj.
Në mungesë të një motre më të rritur, ne ju sjellim disa këshilla se si të kujdeseni për fytyrën.
Studioni
Gjëja e parë që duhet të bëni është të studioni nga llojet dhe tonet e lëkurës deri tek produktet dhe stilet më të mira, ka shumë gjëra për t`u studiuar. Sot në internet mund të gjeni blogje që testojnë produktet e fundit, ka video online që ju mësojnë se cili lloj makijazhit i shkon përshtat lëkurës suaj dhe cili është toni më i mirë për të. Ka shumë libra që ju tregojnë se si funksionon makijazhi, si aplikohet iluzioni i konturimit, si reagon lëkura në disa produkte të veçanta, etj. Studimet rreth teknikave të duhura do t’iu japin disa mësime, të cilat do t’iu duhen gjithmonë.
Ushtroni
Çdo artist është bërë i ekspert vetëm përmes ushtrimit. Kur të keni kohë të lirë provoni teknikat e ndryshme që i keni mësuar gjatë studimit, provoni cilat teknika ju përshtaten më mirë. Mundohuni të përdorni produktet në mënyra të ndryshme, ushtroni në shtëpi nën dritë të ndryshme. Nëse nuk i besoni gjykimit tuaj atëherë pyetni miqtë dhe familjen për rezultatet e juaja përfundimtare.
Kuptoni produktet
Mos aplikoni produktet koti njëra pas tjetrës. Testoni veçmas dhe krahasoni ndryshimet mes tyre. Mësoni se si lëkura juaj reagon ndaj tyre dhe si ndikon në makijazhin tjetër. Filloni me kremin dhe bazamentin, bëhuni të vetëdijshme se çfarë përdorni. Kjo gjë do t’ju japë perspektivë më të mirë në makijazh dhe në mënyrën se si funksionon.
Aplikimi
Sikurse tek produktet e makijazhit, duhet të jeni e vetëdijshme edhe për aplikimin e tyre. A do të aplikoja makijazhin më mirë me duar apo me furçë? A do duhet të bëjë lëvizje rrethore kur të vendos hijezim te sytë? Çfarë lloj rimeli duhet të përdor? Gjithë këto gjëra mund të rrisin aftësitë e juaja dhe aftësinë e kritikës ndaj punës.
Eksperimentoni
Po nëse informacionet thonë se hija e errët e syve nuk është e mirë për tonin e lëkurës? Nuk është gjë e keqe të eksperimentohet dhe të provohen pamje të ndryshme. Kur keni kohë të lirë në shtëpi, eksperimentoni, provoni truket e modës së lartë dhe manovroni me ngjyrat. Eksperimentimi do të rrisë kreativitetin dhe aftësitë tuaja.
Makijazhi mund të theksojë paraqitjen tuaj dhe t’ju bëjë të ndiheni më e sigurt. Mos harroni që moda ndryshon me kalimin e kohës dhe ju do të jeni gjithë kohës duke mësuar teknika të reja.
