Jo çdo objekt dekorues është domosdoshmërish i nevojshëm për ambientin tuaj. Ashtu si edhe veshja, interieri i shtëpisë suaj ka një “kufi” se sa gjëra është i gatshëm që të mbajë për t’u dukur bukur për syrin. Disa gjëra janë të tepërta, ndërsa disa të tjera nuk janë në vendin e duhur ose nuk i përshtaten ambientit. Ja disa arsye se çfarë mund të ndikojë negativisht në bukurinë e ambientit tuaj:
Të vendosim shumë gjëra
Duke mbledhur shumë gjëra, si vazo, mbajtës qiriri, pasqyra dhe dekorime të ndryshme në çdo cep të shtëpisë është e lehtë, por duke pasur çdo tavolinë, sipërfaqe, dritare të mbuluar me pajisje të ndryshme mund të krijojë një pamje të çrregullt, që largon çdo stil që shtëpia juaj ka. Kështu që mundohuni t’i mblidhni gjërat të cilat nuk ju pëlqejnë ose nuk ju duhen më dhe largojini nga shtëpia. Do të vëreni një ndryshim të menjëhershëm dhe hapësira do të duket e rifreskuar.
Dhoma të ngjyrosura me motive të ndryshme
Të dekoroni dhomën me motive të ndryshme mund të dështojë në stilin tuaj. Nëse dëshironi të ngjyrosni dhomën tuaj me ngjyrë të kaltër ose me stil të inspiruar nga ndonjë udhëtim i juaji, mos e bëni këtë. Ju mund të shtoni elemente të vendeve të preferuara në dhomë duke reflektuar kështu personalitetin tuaj dhe kjo gjë është mirë, por pa e tepruar.
Të porositni dhoma komplete
Të porositni dhomën komplet me të gjitha orenditë është mënyra më e mirë për të kompletuar hapësirën, por a dëshironi që dhoma juaj të duket që është blerë nga katalogu? Duke pasur gjithçka të koordinuar me dizajn të njëjtë nuk paraqet personalitetin tuaj. Në vend që të porositni dhoma komplete ndërtoni stilin tuaj unik, i cili reflekton personalitetin tuaj.
Të provoni shumë trende në të njëjtën kohë
Trendet janë argëtim i madh, por pasi ato vijnë e shkojnë shpejtë, duke provuar të keni të gjitha trendet në një kohë mund të përfundoni duke pasur një dhomë jo trendi. Ideja më e mirë është të filloni më gjërat klasike dhe kështu do të jeni më trendi.
Shumë jastëkë
Edhe pse jastëkët janë mënyra më e mirë për të ndjekur trendin dhe mund të shtojnë ngjyra të bukura në hapësirat tuaja, ata mund të prishin pamjen e bukur nëse janë të shumtë. Organizimi i tyre merr shumë kohë. Dy ose tre jastëkë janë të mjaftueshëm për të krijuar një ndenjëse të rehatshme.
