Në vetëm një javë, Beyonce do të hipi në skenë me Coldplay në eventin e shumëpritur Super Bowl, për të performuar duetin e tyre “Hymn for the Weekend”. Por befas banda publikoi videon e këngës dje, e cila është realizuar në Mumbai gjatë festivalit Holi.
Beyonce është kudo në qytetin indian, pavarësisht se jo fizikisht me Chris Martin. E ndryshe nga ngjarja ku dyshja pritet të përformojnë më 7 shkurt, që është një traditë tërësisht amerikane, videoklipi ka ngjyrat dhe atmosferën e Lindjes.
I frymëzuar nga India dhe kultura e saj e pasur që nga antikiteti, kjo këngë vjen në një klip plot ngjyra të forta, me statuja dhe monumente që personifikojnë spiritualizimin e këtij kombi, i dyti në botë për nga popullsia.
Beyonce shfaqet me veshje tradicionale indiane në skenë, që ngjasojnë me ato të Bollywood-it.
Ndërkohë që vokalisti i grupit Coldplay, Chris Martin kalon nga një panoramë në tjetrën gjatë “Holi Festival” në Indi, duke përcjellë imazhin e një vendi të mbushur me dëshirë për jetën.
Kjo këngë është pjesë e albumit më të fundit “A Head Full of Dreams”, nga grupi britanik.
Burimi: Elle
