Reflekset e ombres janë ndër trendet më të kërkuara të këtij viti. Por tashmë ka nisur një teknikë e re për t’i dhënë shkëlqim flokëve dhe pamjes suaj.
Ajo është e njohur me emrin “layage”. Por si funksionon kjo teknikë? Në fakt kjo teknikë është e ngjashme me “balayage”, përveç se kjo metodë është më shumë e kontrolluar.
Teknika “layage” përfshin ngjyrosjen e flokëve me dorë në një dërrasë të madhe të sheshtë, që nënkupton më shumë saktësi dhe kontroll. Kjo metodë rezulton në përfitimin e ngjyrës sa më natyrale, të butë dhe me shumë nuanca.
Katie Allan, menaxhere kreative dhe eksperte e flokëve thotë se kjo teknikë lejon flokët që të arrijnë ngjyrë me nuancë sa më natyrale. Kjo mund të përdoret për stilin ombre apo hijezimet natyrale.
E bukura e “layage” është se kjo i përshtatet pothuajse të gjitha llojeve. Nëse jeni bionde, mund të kombinoni nuancat e hapura me fije më të ndritura duke krijuar kështu hijezime perfekt.
Por për brunet, kjo teknikë ju lejon që të arrini stilin ombre në mënyrë më të sofistikuar.
