“Është një jetë e mrekullueshme”. Refreni i këngës me të njëjtën titull vazhdon të mbetet legjendë.
Por autori i hitit të viteve ’80 u nda nga kjo jetë. Këngëtari Colin Vearncombe, i njohur me emrin Black, humbi jetën pak ditë më parë, pas një aksidenti fatal rrugor në Irlandë.
Pas aksidentit, këngëtari kishte rënë në koma dhe fatkeqësisht nuk ka mundur të zgjohet më prej saj, duke humbur betejën me jetën mbrëmjen e të dielës.
Njoftimin është bërë në faqen e tij zyrtare në Facebook, ku shkruhej: “Me hidhërim ju lajmërojmë për vdekjen e këngëtarit Colin Vearncombe (Black), si pasojë e një aksidenti rrugor. Fatkeqësisht, Colin nuk u zgjua dot nga koma, në të cilën ra si pasojë e një aksidenti rrugor 16 ditë më parë”.
Colin Vearncombe (Black) e nisi karrierën e tij në fillim të viteve ’80, në vitin 1985 ai do të publikonte hitin “Wonderful Life”, që u shndërruar në një fenomen botëror. Këngë të tjera të tij janë, “Everything’s Coming Up Roses”, “Blue”, “Sofea Jane”, “Alive’, etj.
Burimi: The Guardian
