Puthja mes aktorit Leonardo Di Caprio dhe këngëtares Rihanna u faktua.
Pas lajmit se mes tyre ka nisur një lidhje dashurie pikërisht në kryeqytetin francez, dëshmitë vërtetohen përmes fotografive.
“The Sun” citoi dëshmitarë të shumtë, të cilët panë çiftin e famshëm të shkëmbente puthje në klubin e natës “Arc”, në Paris.
Por ishte pikërisht kandidati për çmimin “Oscar”, i cili arriti nëpërmjet avokatëve dhe ligjit francez mbi privatësinë, që të ndalonte publikimin e fotove në të gjitha revistat.
Por mesa duket Di Caprio nuk ka mundur që të zhdukë çdo provë nga ajo natë. Mediat franceze kanë arritur të gjejnë fotot e çiftit duke u puthur në mënyrë pasionante. Një nga revistat guxoi duke publikuar fotot, të cilat tashmë po bëjnë xhiron e internetit.
Duket se tashmë për Leon dhe RiRi, nuk mbetet gjë tjetër veçse ta pranojnë. Po pyetja që lind është, pse Leo ka turp nga puthja me këngëtaren nga Barbadosi?
