Një fermer 85-vjeçar është kthyer “gjyshi më i lezetshëm” në mediat sociale kineze, pas postimit të disa fotografive të tij i veshur modern.
Fotot u stiluan dhe u realizuan nga nipi i tij, kur pensionisti u largua nga fshati i tij i vogël për të vizituar qytetin aktiv të Xiamen.
Nipi 30-vjeçar, Ding Guoliang, u shpreh se ai donte që të jepte këtë mesazh: “Më shumë njerëz duhet të kujdesen për të moshuarit dhe të sigurohen se ata nuk janë vetëm”.
Gjyshi jetonte vetëm në fermën e tij në provincën Fujian që kur gruaja e tij ndërroi jetë, para dy vitesh. Ai e kalonte kohën duke u kujdesur për bimët dhe perimet.
Ding Guoliang, i cili është fotograf profesionist, e ftoi gjyshin ta vizitonte në Xiamen për ta shëtitur dhe të kalonin disa kohë bashkë, shtatorin e kaluar.
Ishte ky udhëtim kur ai i kërkoi gjyshit që të vishej elegant dhe të pozonte.
“Gjyshi është një njeri shumë i fortë. Ai nuk e thotë këtë, por unë e di se ai është i mërzitur se humbi bashkëshorten”, thotë nipi.
Pas publikimit të fotografive në rrjetet sociale, njerëzit komentojnë se i moshuari duket shumë chic. “Shumë e fuqishme! Duket më mirë se të famshmit!”, thuhet në një koment.
“Veshjet bëjnë njeriun! 85-vjeçari ka arritur një nivel tjetër të chic!”, shkruan një tjetër.
Për të moshuarin që vjen nga zona rurale, është më shumë për komfortin dhe ngrohtësinë, se sa për stilin.
Burimi: Daily Mail
