“Home sweet home”.Celebrities jetojnë në shtëpi ëndrrash, duke krijuar ambientet më përrallore për kënaqësinë e jetës së tyre të përditshme.
Nga modelet tek këngëtaret, apo fashionistat, jetojnë në shtëpi luksoze.
Modelja Emina Çunmulaj dhe bashkëshorti i saj miliarder, Sam Nazarian, kanë disa shtëpi në SHBA, por pjesën më të madhe të kohës ata e kalojnë në vilën e tyre në Beverly Hills.
Këngëtarja Ledina Çelo jeton prej vitesh në një vilë në Gjermani me bashkëshortin dhe dy fëmijët e vegjël. Ndërsa kolegja e saj, Çiljeta Xhilaga jeton në një duplex në Tiranë, ku në murin e hollit të saj qëndron piktura me imazhin e saj.
Fashionista Egreis Gjergjani jeton në një vilë në Kansas City, në SHBA, me familjen e saj, bashkëshortin dhe dy djemtë e vegjël. Ajo është e fiksuar pas këpucëve, ku një dhomë i ka kushtuar vetëm atyre.
Irma Libohova dhe familja e saj i kalojnë ditët midis Tiranës dhe Qerretit duke qenë se kanë dy shtëpi, një në kryeqytet dhe një në plazh.
Manjola Nallbani jeton në një apartament në Tiranë së bashku me familjen e saj, ndërsa Afërdita Dreshaj jeton në Detroit, së bashku me të dashurin e saj, lojtarin e hokejt, Jakub Kindl.
