Ne marrim inspirim dhe krijojmë ide se çfarë do të veshim këtë verë nga stilistët më të mëdhenj. Hapjen e javës së modës e bëri Versace, që paraqiti një koleksion houte couture shumë interesante.
Ishte një koleksion jo shumë i tepruar, i ekuilibruar edhe me linja të qarta dhe me ide mjaft unike.
Fustanet e mbrëmjes të mbesin në mendje për më shumë se një arsye. Ky koleksion identifikohet për mënyrën që përqafon minimalizmin me linja gjeometrike mjaft të ndryshme, që komplikohen edhe lidhen me mënyra shumë të bukura në trupin e femrës.
Me pjesë nudo që luan me shikimin, duke treguar një herë gjoksin, një herë këmbën, apo belin me lidhje kreative edhe ndriçuese, pa e bërë shumë të tepruar.
Lidhjet që krijojnë copat e fustaneve midis tyre avancojnë siluetën edhe i bën femrat që duken sensuale në mënyrë perfekte.
Ngjyrat që përdoren në këtë koleksion janë mjaft të qarta pa shumë ngatërresa, e gjitha e bardhë apo e gjitha e zezë, duke vendosur ngjyra tek copat që lidhin fustanin. Rripat që lidhin të çarat e fustaneve janë detaje perfekte. Ngjyrat që Versace ka zgjedhur janë të gjalla, si e kuqja, e verdha, portokallia apo bojëqielli.
Modelet shfaqen me një makijazh me tone nude dhe smoky eyes, që u jep forcë në shikim. Flokët janë stiluar në mënyrën sa më natyrale, duke krijuar disa valëzime.
Pjesë e sfilatës u bënë shumë modele të njohur si, Rosie Hungtington Whiteley, Gigi Hadid, Irina Shajk, etj.
