Një studim i ri sugjeron që njerëzit duhet të martohen mes moshës 28 dhe 32 vjeç, nëse ato nuk duan që të divorcohen, të paktën në pesë vitet e para.
Para se të vazhdojmë me shpjegimin, mos u mërzitni me ne nëse jeni më të vjetër dhe ende të pamartuar. Këto janë vetëm statistika dhe nuk mund ta llogarisni mbi situatën tuaj personale, ose mbi të gabuarin që shpenzuat 18 muaj.
Studimi u realizua nga një socilog në Universitetin e Utah-s, Nick Wolfinger. Ai sugjeron që njerëzit që martohen nga mosha 28-32 kanë më pak mundësi që të ndahen në vitet e ardhshme. Ky është një zhvillim i ri; sociologët besonin më parë se duke pritur më gjatë për t’u lidhur, zakonisht krijohet më shumë stabilitet.
Wolfinger analizoi të dhënat nga viti 2006-2010 dhe nga 2011-2013 të “National Survey of Family Growth”.
Ai zbuloi se divorcet kishin një ulje dhe ngritje, në bazë të moshës së martesës. “Mundësitë për divorc rriten nga mosha e adoleshencës deri në fillim të 20-tave. Më pas ka një ulje dhe më pas një ngritje. Për çdo vit pas të 32-tave shanset për divorc rriten me 5%”, thotë sociologu.
Ka disa arsye pse kjo moshë është idealja; njerëzit janë mjaftueshëm të pjekur për të kuptuar nëse shkojnë me dikë ose thjesht janë të verbuar nga hormonet. Ata tashmë kanë marrë vendime të rëndësisshme në jetën e tyre dhe kanë marrë disa përgjegjësi. Dhe mund të jenë financiarisht mjaftueshëm mirë për të qenë të aftë për të mbështetur dikë nëse do të nevojitej.
Nga ana tjetër, ata nuk janë aq të vjetër sa për të mos ndryshuar zakonet e vogla, mënyrën e jetesës, qëllimet dhe higjenën personale, që martesa kërkon. Ata nuk kanë një ish-bashkëshort/bashkëshorte ose fëmijë për të ndarë jetën apo pasurinë e tyre.
Burimi: TIME
