Jennifer Lopez është 46 vjeç, por vitet duket se janë vetëm numra për të. Ajo kërcen dhe këndon si kur nisi karrierën në fillimet e saj.
Lopez ka nisur koncertet e saj si rezidente 3-vjeçare e Las Vegasit. Me marrjen e kësaj residence, ajo ka konsoliduar një status të ri, që e kanë arritur më parë artistë, si Cher, Prince, Elvis Presley.
Sipas “Vogue”, emri Jennifer Lopez u kthye në një ikonë dhe markë milionadollarëshe, me një linjë veshjesh, parfum J.Lo dhe shumë artikuj të tjerë.
“Ajo është shfaqur përpara fansave me një lëkurë të shkëlqyer, duke performuar me një talent jashtëtokësor”, shkruan Vogue.
Lopez i kushton shumë rëndësi jo vetëm shkëlqimit të trupit, por edhe të veshjeve. Ajo shfaqet përgjithësisht me kostume skenike me gurë të çmuar. Në “American Music Awards” ajo u ngjit në skenë me një trupore plot shkëlqim. Por mos harrojmë shfaqjen e saj më legjendare, në rolin e Selenës, ku J.Lo u shfaq me sytjena të stolisur me gurë.
Ndërsa në 2016-n, në hapjen e koncerteve të saj në Las Vegas, Jennifer do të shkëlqejë me 2 veshje që mbajnë emrin e “Swarovski”-t dhe “Versace”-s.
Njëri prej tyre përfshin një trupore dhe një kapotë pa mëngë me pupla, ndërsa tjetri, një kostum sportiv.
“Swarovsk”-i i ka stolisur këto kostume skene me plot 260 mijë kristale të ngjyrave të ndryshme. Për punimin e tyre, janë dashur më shumë se 2 muaj dhe rreth 1400 orë dhe përveç kostumeve, janë punuar edhe shtesa rrjete, si dhe rreth 91 metra zinxhirë “Swarovski”.
Jennifer do të veshë edhe një kostum në stil rruge, sepse ajo është ende “Jenny from the block”, edhe kur kostumi i saj është i mbushur me gurë të çmuar. Një kostum i vijëzuar dhe plot shkëlqim do të kombinohet me atlete “Versace”, edhe ato të mbuluara me gurë të vegjël në të gjithë sipërfaqen.
Burimi: Vogue
