Sezoni i dimrit të sjellë në mendje veshjet e trasha, palltot ose pulovrat e leshta. Por këto rroba janë të vështira të mbahen në mënyrën e duhur, pasi kërkojnë një trajtim të veçantë, ndryshe nga rrobat e sezoneve të tjera.
Rrobat e dimrit kërkojnë një trajtim special, për shkak të përbërjes dhe materialit. Nëse dëshironi t’i mbani të reja dhe pa i dëmtuar materialin, ju tregojmë disa truke.
Xhupat me pupla është mjaftueshëm t’i lani vetëm dy herë gjatë sezonit. Larja e shpeshtë mund të dëmtojë puplat.
Nëse i lani në rrobalarëse, atëherë lajini me ujë të ftohtë dhe mos përdorni detergjentet klasik, por produkte për larje të cilat janë për materiale të ndjeshme.
Do të ishte më mirë që xhupin e mbushur me pupla ta thani në makinerinë e posaçme, për tharjen e rrobave. Nëse e thani në kushte shtëpie, atëherë herë pas here shkundeni që mos të ngjiten njëra me tjetrën.
Xhaketat duhet të lahen pas gjashtë të veshurave, ndërsa copëzat e leshta kërkojnë edhe më shumë kujdes. Para larjes kthejini mbrapsht dhe lajini me rroba të ngjyrës së njëjtë. Shpërlajini dy herë, ndërsa nëse është e mundshme nderini jashtë.
Kapelat, dorëzat dhe shallet lajini më rreth tri herë në sezon, në rrobalarëse apo me dorë, varet nga materiali.
Palltot me pelush lajini dy herë gjatë sezonit të dimrit, nëse nuk i vishni shpesh, një herë në vit dërgojini në pastrim kimik. Që palltoja pas larjes mos të ketë erë lagështie, thajini jashtë dhe mos e mbani në dollap.
