Dy fotografët legjendarë të celebrities u bashkuan për ekspozitën e tyre për Marilyn Monroe, të quajtur “Zotërinjtë preferojnë biondet”.
Ekspozita, e cila mbahet te The Little Black Gallery në Londër, do të qëndrojë e hapur deri më 27 shkurt. Në të përfshihen disa nga fotot më ikonë të Monroe-s, në krevatin e saj ose duke luajtur rolin e një balerine joshëse.
Fotografitë janë realizuar nga Milton H.Greene dhe Douglas Kirkland. Greene është më shumë i njohur për portretet e seks-simbolit amerikan. Ai e ka fotografuar atë në 52 raste të veçanta, duke realizuar mbi 5000 fotografi nga viti 1953 deri në 1956-n.
Fotografi njujorkez Greeen, i cili ka punuar me revista ndërkombëtare si “Harper’s Bazaar”, “Town & Country” dhe “Vogue”, u bë i famshëm pikërisht me portretet e biondes “Hollywood”-iane.
“Milton donte që Marilyn të largohej nga imazhi i një bionde “të trashë”, kështu që ai realizoi një seri fotografish të saj në karaktere të ndryshme, për të treguar se sa me dhunti mund të ishte ajo”, u shpreh djali i Greene, Joshua.
Ndërkohë që kanadezi Douglas Kirkland, në kohën kur punonte si fotograf i revistës “Look” në vitin 1961, realizoi një seancë fotosh që njihet me emrin “Një mbrëmje me Marlyn Monroe”, ku ajo u shfaq në poza shumë sensuale dhe intime, të realizuara në mënyrë shumë spontane.
Burimi: Harper’s Bazaar
