Drew Barrymore u intervistua virtualisht këtë të hënë në emisionin “The Howard Stern Show”, ku ajo tregoi për vitet e saj të trazuara të adoleshencës dhe marrëdhëniet e saj me nënën e saj, Jaid Barrymore.
Barrymore tregoi se në adoleshëncë ajo ishte “jashtë kontrollit”. Ajo shpjegoi se për rreth 18 muaj, kishte përjetuar një periudhë të errët të jetës së saj.
Barrymore Rrëfeu se ishte vetëm 13 vjeç kur e ëma u detyrua që ta shtronte atë në një spital psikatrik.
“Isha jashtë kontrollit. Shkoja në festa, i vidhja makinën mamit tim, i merrja para, zhdukesha me ditë. Aq keq u bë gjendja sa ajo u detyrua të më dërgojë në një spital psikiatrik. Aty qëndrova për 18 muaj dhe mora veten”, ka rrëfyer aktorja.
Ajo është hera e parë që Barrymore flet për këtë histori të jetës së saj.
Barrymore tha se atëherë ajo ishte e zemëruar me nënën e saj pasi nuk mund ta kuptonte pse po ndëshkohej kaq rëndë. Ajo rrëfeu se mendonte se nuk do të mund ta falte më nënën e saj, pasi se shihte dot as drejt në sy.
Përmes terapisë dhe kërkimit të shpirtit, Drew Barrymore, tha se e ka falur nënën e saj pas pak kohësh të kësaj ndodhi pasi nuk dëshironte që e ëma të jetonte në dhimbje.
