Është e rrallë në botën e celebritiesqë të shohim një çift kaq të përkushtuar me njëri-tjetrin. Por Dion dhe Angelil, i cili u nda nga jeta dje më 14 janar, provuan se kjo lloj dashurie jo vetëm që është e munudr, por edhe e qëndrueshme.
Ata u takuan kur ajo ishte vetëm 12 vjeç dhe ai ishte 38 vjeç, kur u bë mentori dhe menaxheri i saj. Vetëm në vitin 1993 Dion dhe Angelil, bënë daljen e tyre të parë publike si çift, ndërkohë që në vitin 1994 ata u martuan.
Dhe pas viteve të ndërtimit të karrierës së saj dhe një jete së bashku, këngëtarja qëndroi krah bashkëshortit të saj për 20 vite në betejën e tij kundër kancerit.
Rene Angelil ndërroi jetë në moshën 73-vjeçare, në shtëpinë e çiftit në Las Vegas. Ai humbi jetën pikërisht disa ditë përpara ditëlindjes së tij të 74-të dhe përvjetorit të 21-të të martesës së tij me divën e muzikës.
Njoftimi është bërë nga vetë artistja nëpërmjet stafit të saj, në status në profilin e saj në “Facebook”. Për këtë arsyeja 47-vjeçarja ka anulluar të gjitha shfaqjet e saj në Las Vegas, deri në muajin shkurt.
Burimi: Harpers Bazaar
