DASHI
Ti nuk “shkon” në palestër ti sulmon palestrën. Je plot energji dhe entuziazëm, dhe i përkushtohesh çdo ushtrimi sikur të ishte sfida e jetës. Nëse trajneri propozon një qark të vështirë, e merr si mision personal dhe nuk ndalesh derisa ta përfundosh. Të pëlqen ritmi i shpejtë, djersa dhe ndjenja e gjallërisë. I vetmi rrezik? Të harxhosh të gjithë energjinë që në fillim dhe të digjesh shpejt.
DEMI
Për ty, palestra duhet të jetë një ritual mirëqenieje, jo një detyrim. Preferon ushtrimet e ngadalta e të kontrolluara, që të lejojnë të dëgjosh trupin dhe të largohesh më i qetë sesa kur ke hyrë. Nëse gjen një ambient të ngrohtë e mikpritës, bëhesh i/e qëndrueshëm; përndryshe, pa ndjenjë faji zgjedh divanin. Sekreti yt? Një palestër me një spa pranë do të ishte ëndrra perfekte.
BINJAKËT
Je kampioni i larmisë dhe ndryshimit. Regjistrohesh në një kurs, më pas në një tjetër; provon pajisje të reja dhe lodhesh shpejt nga rutina. Për ty, palestra është edhe vend shoqërimi — bisedon, bën humor dhe ngre atmosferën. Nëse ushtrimet bëhen monotone, humbet motivimin. Aktivitetet dinamike dhe argëtuese janë çelësi yt i suksesit.
GAFORRJA
Ti kërkon reheti dhe siguri në çdo ambient, edhe në palestër. Të duhet pak kohë të ndihesh i/e qetë e mirëpritur përpara se të lësh veten. Preferon stërvitjet që çlirojnë stresin dhe qetësojnë mendjen, më shumë sesa ato që të çojnë në limit. Një trajner me qasje të butë do të të ndihmonte të qëndrosh i/e përkushtuar. Mjediset me shumë konkurrencë nuk janë për ty.
LUANI
Palestra për ty është skena jote. Të pëlqen të dallohesh, të shohësh rezultate dhe — pse jo — t’i tregosh ato. Kontrollon teknikën (dhe veten) para pasqyrës, frymëzon të tjerët dhe krijon një atmosferë pozitive. Je i/e qëndrueshëm dhe me disiplinë të admirueshme, por ke nevojë të ndihesh i/e vlerësuar për të shkëlqyer.
VIRGJËRESHA
Je perfeksionist/e edhe në palestër. Arrin në kohë, ndjek çdo program me saktësi dhe numëron përsëritjet si një profesionist. Do të dish gjithçka në detaj përpara se ta bësh. Kjo qasje të ndihmon të përmirësohesh çdo ditë, por kujdes ndonjëherë je shumë kritik ndaj vetes. Lejo pak spontanitet dhe më shumë argëtim.
PESHORJA
Stërvitja për ty është çështje harmonie dhe elegance. Nuk mund të ushtrosh në mjedise të rrëmujshme apo me aroma të pakëndshme. Preferon palestrat e pastra, me energji të mirë dhe ndonjë mik pranë për ta kthyer seancën në një përvojë sociale. Nuk kërkon përpjekje ekstreme; mjafton të ndihesh në formë dhe estetikisht mirë.
AKREPI
Kur stërvitesh, e bën me pasion dhe intensitet. Nuk shpërqendrohesh lehtë, përqendrohesh plotësisht dhe e shtyn veten drejt kufijve. Të pëlqen të ndjesh lodhjen, djersën dhe përparimin. Lëviz në heshtje, por me forcë — dhe frymëzon të tjerët me vendosmërinë tënde. Kujdes vetëm të mos e kthesh këtë pasion në obsesion: edhe pushimi është pjesë e suksesit.
SHIGJETARI
Palestra për ty është aventurë, jo detyrim. Do aktivitete që të bëjnë të ndihesh i/e lirë dhe të argëtohesh — si klasa dinamike, lojëra sportive apo stërvitje në natyrë. Nuk duron monotoninë dhe oraret fikse; të duhet liri për të zgjedhur çfarë të bësh. Energjia jote është ngjitëse dhe motivon të tjerët, por kujdes të mos e lësh programin pas dore.
BRICJAPI
Ti je shembulli i disiplinës. Arrin në orar, ndjek planin dhe e sheh stërvitjen si një investim afatgjatë. Nuk ndihesh mirë nëse mungon dhe e di se rezultatet vijnë me kohë. Punon me përkushtim dhe nuk dorëzohesh para progresit të ngadaltë. Vetëm mos harro: pak çlodhje dhe kënaqësi nuk e prishin qëndrueshmërinë tënde.
UJORI
Të duhet stimulim dhe ndryshim i vazhdueshëm. Nuk mund të bësh të njëjtën gjë çdo ditë. Kombinon pajisje, klasa, ndoshta edhe sporte në grup. Je kurioz, eksperimenton dhe kërkon mënyra të reja për të lëvizur trupin. Nuk je i/e fiksuar pas rezultateve fizike — për ty ka më shumë rëndësi energjia dhe mirëqenia pas stërvitjes.
PESHQIT
Për ty, palestra është një përvojë emocionale. Duhet të ndihesh frymëzuar për t’u përfshirë. Preferon stërvitje që të lidhin me veten si joga, Pilates apo ushtrime në ujë. Zhurma, thashethemet dhe mjediset agresive të largojnë. Por kur gjen atmosferën e duhur, lëviz me harmoni dhe e shijon çdo moment.
