Nga drejtorët e rinj kreativë te grabitja e madhe e Kim Kardashian apo çantat që ndryshojnë madhësinë si personazhi kryesor i filmit “Alice në botën e çudirave”, këtë vit mësuam shumë nga Java e Modës Në Paris. Ja 12 leksionet që na i mësoi kryeqyteti francez, kur bëhet fjalë për modën.
1.Chanel është i varur ndaj teknologjisë.
Për koleksionin e Pranverës 2017, Karl Lagerfeld përqafoi moshën e teknologjisë dhe madje veshi dy modele me maska roboti.
2.Interneti mund të tregohet shumë i keq.
Një nënë e dy fëmijëve u lidh, u tërhoq, u grabit dhe interneti shpërtheu në akuza të menjëhershme që fajësonin viktimën. Kim Kardashian-it do t’i duhet që të marrë masa të forta sigurie dhe të jetë më e kujdesshme kur tregon në rrjetet sociale pasurinë dhe vendndodhjen e saj.
3.Parisi po i mbron eventet e modës sikur të ishin aeroporte
Masat e sigurisë ishin shumë të larta këtë vit, me detektorë metali, kërkimet e kartave të identitetit, biletave dhe kontrolle të çantave.
4.Dior është një markë feministe
Edhe pse e kemi besuar gjithmonë se Dior i do gratë, duke i bërë ato të duken bukur për dekada, Maria Grazia Chiuri tregoi në koleksionin e saj çanta dhe bluza që lexonin, “Ne të gjithë duhet të jemi feministë”.
5.Bluzat e pambukta nuk janë gjithçka
Mbulimi i shpatullave, linjave të sipërme nuk janë gjithmonë mënyra e duhur për të qenë një femër me stil. Shpesh zonjat apo zonjushat duhet të tregojnë pak më shumë brenda atyre bluzave apo xhaketave të tyre të trasha.
6.Ekspozimi i gjoksit është “ok”
Nga fustani i Saint Laurent që ekspozonte njërin gjoks te zbulimi i gjoksit nga Giambatista Valli dhe gjoksi i printuar i Celine, ekspozimi i gjoksit tashmë është rikthyer.
7.Roza është ngjyra që duhet ta kesh
Kur Valentino, Balenciaga dhe Phoebe Philo e Celine e ngritën në piedestal ngjyrën rozë, atëherë ju duhet ta vishni me patjetër.
8.Stili nuk ka vdekur
Blogeret u shfaqën më në formë se kurrë këtë vit, sikur të ishin veshur nga dizajnues me emër nga koka te këmbët. Gjithçka kishte të bënte me kombinimin dhe miksimin e ngjyrave për t’u treguar fotografëve stilin e tyre vetjak.
9.Gjeneratat e reja e marrin lehtë
Phoebe Philo e mori me vete vajzën dhe shoqet e saj në sfilatën e Celine, për të parë eventin. Kjo është një mënyrë për të qenë “casual”.
10.Valentino na mëson si të sillemi pas një ndarjeje
Pas tetë vitesh bashkë në krye të Valentino-s, Pierpaolo Piccioli dhe Maria Grazia Chiuri u ndanë. Koleksioni i fundit i Valentino ishte i bukur dhe i sigurt, sikur të ishte frymëzuar nga një pikturë. Besojmë se dy dizajnuesit do ia dalin mjaft mirë edhe pse nuk janë bashkë.
11.Givenchy shërben për të na mbajtur ngrohtë
Givenchy pati zgjidhjen perfekte për një natë të ftohtë parisiane duke siguruar batanije për të ftuarit.
12.Çantat vijnë nga bota e vogël e “Alice në Botën e Çuditrave”
Çështja kryesore e çantave të dorës është madhësia e tyre. Ndonjëherë janë kaq të vogla si ato të Hermes dhe Valentino, ose shumë të mëdha si ato që u panë në pasarelën e Balenciaga dhe Celine. Kë do të zgjidhnit ju?!
Burimi: Harper’s Bazaar
