Thrilleri epik “The Revenant” duket se i ka rritur mundësitë për të marrë Oscar-in e shumëpritur muajin e ardhshëm.
Leonardo DiCaprio shkoi në shtëpi mbrëmjen e së dielës si fituesi i Golden Globe, si aktori më i mirë në një film dramë, i cili u zgjodh më i miri.
Teksa mbante fjalimin, ai mori një moment për të nderuar ameirkanët indigjenë që përshkruhen në filmin e luajtur prej tij.
Por, ajo çfarë është më e mrekullueshme është fakti se ai po vlerësohet shumë nga të gjithë për rolin e tij në “The Revenant”, e jo vetëm nga kritikët. Kur u thirr emri i tij si aktori më i mirë, e gjithë salla u ngrit në këmbë dhe duartrokitën gjatë aktorin, i cili është ndjerë i befasuar me këtë gjest të kolegëve të tij.
Fjalimi i DiCaprio u shoqërua me muzikë, për ta bërë më të prekshme të gjithë apelin e tij.
“Është koha që ne të njohim historinë tuaj dhe të mbrojmë tokat tuaja indigjene nga interesat e korporatave dhe njerëzve që janë atje për t’i shfrytëzuar ato. Është koha që ne dëgjuojmë zërin tuaj dhe të mbrojmë këtë planet për brezat e ardhshëm”, tha DiCaprio.
