Nuk arriti të mposhte dot sëmundjen e keqe, nga e cila humbi jetën gjatë natës duke u gdhirë e hëna.
Këngëtari David Bowie, i cili festoi vetëm dy ditë më parë ditëlindjen e tij të 69-të, ndërroi jetë pas një beteje 18 mujore kundër kancerit.
Lajmërimi për vdekjen e tij u bë në profilin në “Facebook” të këngëtarit dhe u konfirmua nga djali i artistit, i cili kërkoi respektimin e privatësisë së familjes.
Vetëm tre ditë para vdekjes këngëtari realizoi një “surprizë” për fansat e tij, duke publikuar këngën më të re “Look up here, I’m in heaven” (“Shikoni këtu lart, jam në parajsë”).
Bashkë me këngën doli edhe disku i 28-të dhe i fundit i artistit, “Blackstar”, i publikuar në 8 janar, në kuadër të ditëlindjes së tij.
Për shkak të sëmundjes së tij, viteve të fundit u shkëput nga skena. Performanca e tij e fundit live, daton në koncertin për bamirësi në Neë York, në vitin 2006.
Bowie është martuar dy herë, me gruan e parë Angie në 1970-n, me të cilin patën djalin Duncan. Ata u divorcuan në 1980-n. Më pas ai u martua me supermodelen Iman në 1992-shin, me të cilën ka një vajzë tashmë 15-vjeç, Alexandria.
Burimi: Daily Mail
