Kontratat e bukurisë vijën dhe ikin, por për Natalie Portman dhe Dior Beauty, marrëdhënia e tyre është afatgjate. E nisur nga viti 2010 bashkëpunimet kanë qenë të ndryshme nga paraqitja e një nuseje në arrati tek fushata më e re “Diorskin Forever”, janë ndër më harmoniket mes botës së bukurisë dhe të të famshmve.
“Unë kam punuar me Dior për shumë kohë dhe ata më kanë qënë tepër mbështetës për mua dhe karrierën time. Kam qenë me fat që kam udhëtuar në shumë vende të pabesueshme me ta. Ndihem me fat që e kam në jetën time”, shprehet aktorja Natalie për “Dior Makeup”. Ndërkohë që imazhin kreativ të saj, Peter Philips, e cilëson si një artist të vërtetë dhe një gjeni.
Aktorja 34-vjeçare thotë me batutë se “një artist i makijazhit”, qëndron në sekretin e lëkurës së saj perfekte, Portman shton se mënyra e jetesës së shëndetshme është çelësi që ka kontribuar në pamjen e saj rinore.
“Unë përpiqem të kujtdesem për veten në të gjitha drejtimet dhe pasi i bëj të gjitha këto gjëra, atëherë mund të tregoj fytyrën time. Për mua kjo do të thotë që, të udhëhiqem nga një mënyrë jetese vegjetariane, të fle shumë dhe të ushtrohem rregullisht. Kujdesuni për veten tuaj duke gjetur një rutinë bukurie, që ju përfaqëson”, tregon Natalie.
Ndërkohë që ndarja e çmimeve “Golden Globes” 2016 do të mbahet këtë të diel, 10 janar, Natalie tregon se për të dalja në tapetin e kuq është si të luajë një rol.
“Artistët e grimit bëjnë mrekulli për t’iu bërë më të ndritshme. Mua më pëlqen që të ndryshpj paraqitje në tapetin e kur, por përpiqem që të theksoj gjithmonë sytë”, thotë aktorja.
Natalie është nëna e një djali 4-vjeçar, Aleph, në këtë mënyrë ajo e kupton shumë mirë presionin e një gruaje në karrierë dhe jetës familjare.
“Jepini vetes një pushim, në të gjtiha kuptimet. Ne e mbajmë veten në një standard të lartë dhe balancues gjithë kohës. Nëse keni një ditë te keqe mos e lëni që t’ju përcaktojë. Ka gjithmonë një ditë tjetër nesër. Është e rëndësishme të ndërtoni kohën tuaj”, këshillon aktorja 34-vjeçare.
Marrë nga Vogue. Përgatiti: Jearta Çaushi
