Linda Halimi i habiti pak vite më parë të gjithë me ndryshimin e fizikut të saj, ndërsa tani shokoi jurinë e “American Idol” me zërin e saj.
Këngëtarja nga Kosova u vlerësua edhe nga publiku shqiptar për talentin e saj në 2009-n, kur edhe mori çmimin e parë në “Top Fest 6” me këngën “Ënderroj”.
Tani pas rreth shtatë vitesh zëri brilant nga Ferizaj u shfaq në audicionet e “American Idol”. Prezantimi i këngëtares shqiptare nisi me një klip, ku 26-vjeçarja rrëfen rrugëtimin e saj drejt konkursit.
Pjesë e këtij rrugëtimi ishte sfida e Lindës ndaj vetes për të rënë në peshë. Ajo tregon disa nga fotografitë e saj e disa viteve më parë, kur ishte mbipeshë. Linda tregon se falë regjimit, ushtrimeve fizike dhe dietave strikte, ajo mundi të binte 68 kilogramë. Në video nuk mungon as bashkëshorti i saj, i cili është njëkohësisht edhe trajneri personal i saj.
Stafi i “American Idol” e cilësoi një histori frymëzuese ndryshimin drastikë të Lindës.
Në karriget e jurisë qëndronin të ulur, Jennifer Lopez, Keith Urban and Harry Connick Jr. Ajo performoi para tyre këngën “It’s A Man’s Man’s Man’s World” nga James Brown dhe reagimi i parë që erdhi nga J.Lo ishte “Nuk e prisja këtë…”.
Juria u shpreh shumë e befasur prej talentit të saj, ndërsa komentoi vetëm pozitivisht. Në këtë mënyrë Linda Halimi mori “biletën” për të kaluar në fazën e radhës.
Linda Halimi, befason jurinë e “American Idol” by Iconagency
