I veshur me një xhup blu me tegela dhe me një çantë në shpinë, Princi George mbërriti dje për herë të parë në kopsht, aspak i nervozuar.
I treti në rradhë për fronin nuk mund të dukej më i emocionuar teksa shëtiste në shkollën Westacre Montessori, të zgjedhur nga prindërit e tij, Duka dhe Dukesha e Kembrixhit.
Në fotot e realizuara nga nëna e tij Kate me mbërrtijen e tyre, 2-vjeçari u fotografua para një afresku me ngjyra të ndezura, në një tjetër me një qëndrim të ngjashëm me atë të gjyshit të tij, Princit Charles, ndërsa diku tjetër me shikimin e tij të mbushur me vetëbesim.
Bjondi George mësohet se qëndroi dje vetëm disa orë në mësim, për t’ia lehtësuar përshtatjen.
Xhekta e tij i përkiste markës John Lewis. Ajo është perfekte për të mbajtur fëmijën tuaj ngrohtë ndërkohë që jashtë bën ftohtë. (Nëse dëshironi të blini një të ngjashme klikoni këtu.)
Sipas ndihmësit, “gjithçka shkoi shumë mirë”. Skenat ishin shumë ndryshe kur i ati i tij, Princi William, shkoi për herë të parë në kopsht në vitin 1985. Në përputhje me traditën, një foto formale u publikua nga Pallati Kensington me ardhjen e 3-vjeçarit në kopsht.
William dhe Kate refuzuan këtë formalitet ditën e djeshme, duke preferuar që të publikonin fotot e tyre vetë. Çifti dëshiron që t’i japë djalit dhe vajzës së tyre 8-muajshe, Princeshës Charlotte, një edukim sa më normal dhe sa më larg të jetë e mundur nga paparacët.
