Kendall Jenner e nisi 2016-n me një kover të janarit për “Vogue Brazil”.
Fotografia është realizuar në Nju-Jork nga Russell James, ku modelja 20-vjeçare shfaqet me një fustan të Dior dhe me një makijazh shumë të lehtë, ndërsa buzëqesh dhe përshkon gishtat në flokët e saj.
Në një postim në “Instagram” ajo falënderon James ku shkruan: “Koveri i “Vogue Brazil” i realizuar nga një prej njerëzve të mi më të preferuar. Nëse dikush di rreth udhëtimit tim në modeling, ata e dinë se ky njeri është një nga arsyet që unë jam sot këtu ku jam. Është kaq bukur të bëja këtë histori koveri me ty, Russell”.
2015-ta ishte një vit i shkëlqyer për Jenner, me rritjen e vazhdueshme të karrierës së saj në modelim.
