Ju e dini se mund të përcillni më shumë mesazhe me trupin tuaj, se sa me fjalët. Ndodh që të lëvizni trupin tuaj në mënyrë të pavetëdijshme dhe pa dalluar se si po paraqiteni te personi që keni përballë
Por mesazhi që përcillet mund të jetë negativ dhe t’ju paraqese në mënyrë të keqe pranë bashkëbiseduesit, ose në rastin më të keq ta ofendoni atë pa qenë në dijeni.
Bashkimi i buzëve: Ju mund ta bëni këtë pa ndonjë qëllim të keq, mirëpo bashkimi i buzëve nënkupton se jeni duke fshehur diçka. Kujdes, mos lini këtë përshtypje edhe nëse me të vërtet jeni duke fshehur diçka.
Mos shikoni sipër syzeve: Kjo e bën bashkëbiseduesin të ndihet në siklet dhe jorehatshëm. Vendosni syzet në atë formë që të shikoni nëpërmjet tyre.
Mos luaj me aksesorët: Nëse luani me aksesorët në qafën e tuaj ose me vathë, bashkëbiseduesi e merr këtë sikur jeni duke flirtuar me të. Kështu që kujdes, mos e bëni këtë me dikë për të cilin nuk jeni e interesuar.
Mos luaj me flokë: Secilën herë që luani me flokë në ndërkohë që jeni pranë dikujt, do ta shpërqendroni atë. Kjo gjithashtu mund t’i japë shenjë të tjerëve që ju jeni nervoz.
