Bashkëshortja e të ndjerit Dr. Flori rrëfen për herë të parë një të veçantë për djalin e saj. Blerina Lecini shkruan një letër në emër të djalit të saj të vogël, të quajtur Daniel.
Ajo nuk tregon vetëm me shumë emocione sjelljen në jetë të djalit 15 muajsh, por vjen si një mesazh për të gjithë prindërit që vihen përballë të njëjtës situatë.
Ajo në disa reshta ka rrëfyer historinë e të birit që ndoshta disa prej jush nuk e keni ditur më parë. Bukuroshi Daniel është një fëmijë i veçantë dhe ka një kromozom më shumë se të tjerët. Ajo, në emër të Danielit, ka treguar momentet që bashkë me Florin kanë mësuar nga mjeku për zhvillim e të birit dhe pavarësisht vështirësi, ata pa më të voglin dyshim vendosën që ta sjellin në jetë.
Letra e plotë:
“Une quhem Daniel Kondi dhe jam vetem 15 muajsh. Babi im mori vesh gjithçka 3 dite perpara se une te nisja rrugetimin tim ne barkun e mamit, madje edhe emrin tim Daniel qe me pelqen kaq shume. Rrugetimi im ishte shume i bukur, siç eshte i te gjitha bebeve! Mami im me shihte shpesh kur une isha tek barku i saj permes ekos…
Kisha vetem 3 muaj qe isha krijuar kur mjeku i tha mamit dhe babit se kocka e hundes time nuk dallohej mire dhe une mund te kisha nje kromozom me shume se femijet e tjere…I degjoja tek diskutonin me njeri-tjetrin madje shpesh here edhe qanin…por ata ishin mami e babi im ndaj vendosen qe une te vazhdoja te isha bebja e tyre dhe panvaresisht çdo gjeje do me donin shume.
Diten qe erdha ne jete nuk do ta harroj kurre qe babi me mori ne krahe dhe tha: “Daniel, babi te do shume shume, ti je shume i çmuar per mua!” A nuk kam te drejte te mburrem me babin tim? A nuk kam te drejte te them se ai eshte heroi im? Ai sot nuk jeton me por ja ku jam une qe jetoj per te! Kromozomi im nuk e zvogeloi dashurine e tij per mua, perkundrazi e shtoi edhe ne shume.
Keshtu une erdha ne jete dhe njoha motren time Kaltrinen dhe tani mund te luaj me lodrat e mia, te perplas duart sa here qe me thone “Braaavooo Daniel!”, te kercej kur degjoj kenget e mia te preferuara dhe me kryesorja te degjoj fjalet e bukura te mamit tim e cila me thote shpesh qe jam nje bekim i madh, dhurata me e bukur qe Zoti i dhuroi!”.
