Sigurisht që këto shpikje mund të ndodhin vetëm në Japoni.
Këtë herë kemi listuar disa shpikje të cilat lehtësojnë shumë veprime të zakonshme në jetë por nuk janë të domosdoshme për t’i zotëruar. Japonia duket se mund të krijojë ato produkte që gjithkush i dëshiron por asnjëri nuk fillon t’i krijojë.
Ja 10 shpikjet më të çuditshme Japoneze:
- Kollarja-çadër
Kjo mund të jetë ajo çka mungon në ditët e vjeshtës, një çadër që nuk do të humbiste, pasi mund ta mbani gjithë kohën me vete. Pyetja është, po nëse çadra laget? Rrini të qetë pasi Japonia ka menduar edhe për këtë.
- Pantallonat e punës me kondicioner
Në këtë vapë, kjo do të ishte shpikja që do të dëshironi më shumë të kemi. Duke ecur me makinë apo duke qëndruar në zyrë, këto pantallona do të të mbanin të freskët gjatë gjithë ditës.
- Mbajtësi i flokëve
Për të mos u bezdisur kur je duke ngrënë, japonia ka menduar të krijojë një kordele gjigande që ju lejon të hani për bukuri. Do të ishte e çuditshme të përdorej kjo kordele tek ne? Hmm, duhet menduar!
- Ftohësi i ushqimit
Vjen i lodhur nga puna dhe dëshiron që të gatush direkt diçka për të ngrënë. Por… prit pak është aq i nxehtë, saqë nuk mund ta përballosh! Ja ku vjen “ftohësi i ushqimit”, një pajisje që funksionon si kondicioner për pjatën tuaj.
- Veshët sekrete
Në dukje janë veshë të lezetshëm maceje që ju bëjnë të dukeni si modele të “Victoria Secret”. Në realitet? Janë kufje që arrijnë të menaxhojnë valët e trurit dhe të komandojnë lëvizjet tuaja kur ju ndiheni të lodhur.
- Çadra që ju mbulon
Perfekte për netët e vjeshtës! Kjo çadër siguron që i gjithë trupi juaj të jetë i mbuluar kur fillon shiu. Këpucët tuaja do të qëndronin të thata dhe perfekte me këtë lloj çadre japoneze.
- Pastruesi i dyshemesë
Në të vërtet do selektohej si zgjedhja më praktike. Fëmija juaj duke luajtur në dyshemenë e shtëpisë do të bënte edhe punë me veshjen e tij. Veshja bashkangjit fshesën që mund të zhvendoset dhe siguron që dyshemeja juaj të pastrohet sa herë që fëmija zvarritet aty.
- Këpucët e Balerinës
Nëse ke pasion baletin por nuk të del koha të bësh çdo gjë kjo shpikjë është e duhura. Këto këpucë baleti mbajnë në pjesën e parme pastrues të vegjël që në kohën e praktikës ju mund të pastroni edhe ambjentin përreth.
- Jastëku i udhëtimeve
Udhëtimet tuaja me autobuz janë të shpeshta? Nuk ka rëndësi nëse ju zë gjumi me këtë shpikje, pasi koka juaj qëndron e lidhur pas xhamit me anë të ngjitësve të dizenjuara.
- Asistenti i buzëkuqit
Nëse sa herë hasni probleme për të bërë buzëkuqin në linjën që duhet, mos u shqetësoni më. Shpikja japoneze e quajtur ‘asistenti i buzëkuqit’ qëndron në buzët tuaja duke u kujdesur që të mbajë formën pa dalë jashtë vije.
Nga Rea Lemnusha
