Ish-partnerët Shawn Mendes dhe Camila Cabello janë fotografuar së bashku në “Coachella”, pak më shumë se një vit pas ndarjes së tyre.
24 vjeçari dhe 26 vjeçarja u filmuan duke festuar së bashku në festivalin muzikor. Në pamje, Cabello i thotë diçka Mendes, i cili po mbante në duar një pije.
Në një tjetër foto, ish-çifti ngritën gotat e tyre plastike teksa festonin me miqtë.
Cabello dhe Mendes filluan lidhjen në korrik 2019 dhe i dhanë fund marrëdhënies së tyre në nëntor 2021. Ata njoftuan ndarjen e tyre në Instagram në një deklaratë që të dy e postuan në InstaStory.
Pas ndarjes së tyre, Cabello nisi lidhjen me CEO të Lox Club, Austin Kevitch. Ata u kapën nga paparacët për herë të parë në qershor 2022, por lidhja u ndërpre tetë muaj më vonë.
Shawn nga ana tjetër po përflitet për një lidhje me 51-vjeçaren, Jocelyne Miranda.
