Si sot një vit më parë u nda nga jeta një nga ikonat e muzikës shqiptare, Françesk Radi. Përkujtimi i tij u shënjua me vendosjen e bustit të artistit, në vendin që ai deshi aq shumë në këtë qytet, ku me kitarën e pandashme krijoi meloditë e para.
Bashkëshortja e kantautorit, Tefta Radi ishte prezente në kujtimin e veprës së tij, ku mes emocionesh u shpreh:
“Ai do të mbahet mend si kantautori i parë shqiptar, si i riu që solli risinë në muzikën shqiptare, që futi modernen, për të cilën nga diktatura u dënua afro tre dekada, iu hoq e drejta e krijimtarisë në fushën e muzikës së lehtë, pa ia shuar kurrë pasionin për muzikën, sepse edhe në Pukë, edhe në Fushë-Arrëz, Frankoja punoi me të njëjtin pasion”.
Mbesa e tij, Rozana Radi, ndau një foto të realizuar krah bustit të tij, të shoqëruar me disa fjalë të ndjera.
“Patë një jetë të trazuar Franko! 1 vit pa ty si një jetë! Sot ti erdhe pikërisht aty ku e nise, me kitarën tënde përballë Amfiteatrit të Tiranës aftër gjelbërimit, që aq shumë e doje. Mbollëm një pemë të cilës i dhamë emrin tënd.
Sot ne vazhdojmë rrugëtimin e ëndrrës tënde, që edhe pse e prerë tingëllojë gjaë. Kush e njohu Frankon e deshi, kush e deshi qau, e kush qau nuk i tha dot lamtumirë, por thjesht mirupafshim Mik. Mirupafshim Franko! Do takohemi një ditë”, shkroi Rozana në “Instagram”.
Tashmë kemi një arsye më shumë për të ecur në kodrat e Liqenit Artificial, në mënyrë që të takojmë kantautorin që u bë burim frymëzimi për shumë të rinj.
Burimi: Instagram/ Bashkia Tiranë
