Një sërë aktivitetesh social kulturore do të mbahen sot në Tiranë, me rastin e 1 Qershorit, Ditës Ndërkombëtare të Fëmijëve e cila do të kulmojë me “Paradën e Shkollave”.
Bashkia e Tiranës, në bashkëpunim edhe me Policinë e Shtetit, bën me dije s e ka marrë të gjitha masat për devijimin e qarkullimit të automjeteve në disa prej rrugëve, nga ora 08:00 deri në orën 12:30 për mbarëvajtjen e aktivitetit kulturor “Parada e Shkollave” në segmentet e mëposhtme:
-Sheshi “Nënë Tereza”;
-Bulevardi “Dëshmorët e Kombit” deri në kryqëzimin me Bulevardin “Bajram Curri”.
Përsa i përket sheshit “Nënë Tereza” dhe segmentit të Bulevardit “Dëshmorët e Kombit”, qarkullimi i automjeteve, mjeteve të emergjencës dhe Policisë së Shtetit do të bëhet në rrugët “Lek Dukagjini”, “Ibrahim Rugova” dhe “Papa Gjon Pali II”.
Mjetet e transportit publik do të devijohen në rrugën “Ibrahim Rugova” për në Bulevardin “Bajram Curri”.
