Si sot para 1 muaji Robert dhe Patris Berisha humbën nënën e tyre, pas një beteje të gjatë me një sëmundje të rëndë. Pavarësisht se ka kaluar 1 muaj, dhimbja vazhdon të jetë ende shumë e fortë për dy djemtë e famshëm, që kanë pasur një lidhje tepër të ngushtë me nënën e tyre. Për të kujtuar nënën e tij, Roberti ka publikuar në rrjete sociale një foto me të ndjerën dhe i ka bërë një dedikim shumë prekës.
“1 muaj pa ty oj shpirt i bardhë! Më mungon çdo ditë dhe më shumë e më shumë”, ka shkruar Patrisi përkrah fotos me nënën.
Pas ndarjes nga jeta të nënës së vëllezërve Berisha nuk munguan as reagimet nga ish-bashkëshortet e tyre, Nora Istrefi dhe Tuna Sejdi. Nora postoi në rrjete sociale një foto të vjehrrës së ndjerë me vajzën e saj dhe përkrah shkroi:
“Ke qenë gjithmonë shoqja ime. Të kam dasht dhe më ke dashur. Uroj me zemër që shpirti yt i bardhë dhe një grua me kaq shumë vlera të pushojë e qetë në paqe. Teuta”, shoqëruar me emojin e një pëllumbi të bardhë.
Ndërkohë Tuna i habiti të gjithë duke publikuar një foto të Patrisit, Tianit dhe ish-vjehrrës. Megjithatë ajo nuk e përmendi fare Patrisin, por u shpreh se do të kujdeset që t’ja mbajë Tianit sa më të freskëta kujtimet për gjyshen e tij.
“Sot ndjehem e pikëlluar… Tian humbi nënën që e deshi aq shumë… Do të kujdesem t’ia mbaj Tianit të freskëta kujtimet për gjyshen e tij. Përjetësisht në zemrat tona”, shkroi Tuna.
