Pavarësisht se i kishin premtuar dashuri të përjetshme njëri-tjetrit, lidhja 6-vjeçare e djalit të Ardian Fullanit, ish-guvernatorit të Bankës, përfundoi vetëm pak kohë më parë.
Dedikimi i dashurisë i Erik Fullanit në dhjetor të vitit të kaluar, tërhoqi vëmendjen e të gjitha mediave. Ndërsa fjalët duket se i mori era, ato që mbetën nga dashuria e tyre janë vetëm kujtimet, pasi Eriku tregoi se fundi i saj nuk ishte aq i trishtë.
Në fotografitë e publikuara nga “Iconstyle”, i riu shfaqet në krahët e një bukuroshe bionde, me të cilën është dalluar më herët gjatë pushimeve verore. Imazhet janë shkrepur në një nga lokalet e njohura të Tiranës, në zonën e ish-Bllokut, fundjavën e kaluar. Burimi deklaroi për “Iconstyle” se dyshja qëndroi për një kohë të shkurtër në lokal, duke zgjedhur ndoshta një destinacion tjetër.
Erik Fullani u shfaq i veshur me stilin e tij sportiv, ndërsa biondja misterioze me një kanotiere floriri me shkëlqim, pantallona të bardha dhe këpucë me taka. Të dy u treguan shumë të kujdesshëm për të mos dhënë asnjë gjest pasionant gjatë qëndrimit të tyre.
Dyshohet se vajza në fjalë, është e njëjta me të cilën Eriku është dalluar edhe gjatë pushime. Ndërsa romanca mes tyre përflitet se ka nisur dy muaj më parë, miqtë e tyre kanë deklaruar më herët se dy të rinjtë njiheshin prej disa kohësh dhe pas disa takimesh deklaruan lidhjen.
Kjo nuk është hera e parë që ata janë dalluar bashkë, por identiteti i vajzës ende nuk është zbuluar!
*Shfleto galerinë
Burimi: Iconstyle
