Vetëm disa ditë më parë ajo foli e emocionuar se do të merrte mbiemrin e të fejuarit të saj pasi të martoheshin. Por tani Kylie Minogue është ndarë nga i fejuari i saj, aktori britanik, Joshua Sasse, dy ditë më parë.
Këngëtarja australiane thuhet se ka nxjerrë nga shtëpia aktorin 29-vjeçar, pasi ai u afrua shumë me aktoren spanjolle, Marta Milans, 34 vjeç.
Kylie raportohet se pati disa debate me Joshua-n para se të udhëtonte për në Francë, për Javën e Modës Haute Couture muajin e kaluar.
Dhe duket se ishte dëshira e saj që t’i jepte fund gjërave me partnerin, me të cilin u takua në verën e 2015-s.
48-vjeçarja Minogue ka hequr tashmë unazën e saj të martesës dhe është “zemërthyer” sipas revistës “The Sun”.
“Ajo është plotësisht e shkatërruar dhe zemërthyer. Ajo vërtetë besonte se ai ishte i duhur. Por ajo nuk e beson më atë”, tha një burim.
Foto e publikuar në nëntor të 2016-s
Burimi: Daily Mail
