Divorci i Amber Heard dhe Johnny Depp mund të cilësohet si një të më ngatërruarit në historinë e “Hollywood”-it. është një nga më shqetësuesit! Më herët këtë vit Heard firmosi divorcin nga aktori pas gati një vit martese, ndërsa e akuzoi për dhunë dhe abuzim ndaj saj. Depp i mohoi akuzat, ndërsa bashkë me ekipin e tij e akuzuan aktoren për mashtrim në mënyrë që të siguronte një shumë financiare nga ndarja.
Sipas ligjit kalifornian, dëshmitë të dhëna prej tyre mund të publikohen, kjo është arsyeja e publikimit të fotove të fytyrës së lënduar të Amber Heard, apartamentit të shkatërruar dhe së fundmi video ku Depp shfaqet i pirë dhe i thotë Heard, “Do të shikosh çmenduri? Do ta tregoj unë”.
Ndoshta një nga imazhet më shqetësuese ishte ajo e publikuar mbrëmë. TMZ raportoi se gjatë një zemërimi, Depp preu majë e gishtit të tij me një shishe të thyer vere, më pas e përdori gjakun si bojë dhe shkroi mesazhe për Heard në pasqyrën e tualetit, duke e akuzuar atë për tradhti ndaj tij me aktorin Billy Bob Thornton.
Ky imazh që shkruan “Billy Bob and Easy Amber” (“Billy Bob dhe Amber e Lehtë”), thuhet se është përfshirë në dëshmitë e Heard për të mbështetur dhunën. Aktorja mohon të gjitha akuzat për mashtrim nga Depp.
Burimi: Harper’s Bazaar
