Mbijetuan plotë 5 dekada në tregun muzikor. Grupi ABBA ishte një prej grupeve më të suksesshme në historinë e muzikës, por nuk janë parë më bashkë prej më shumë se 7 vitesh.
Ka qenë hapja e një restoranti në Stockholm që e ka ribashkuar bandën suedeze të pop-it. Katërshja perfomoi disa prej hiteve të tyre më të njohura për të pranishmit, në një ambient, stil taverne greke ideuar nga ish-pjesëtari i grupit, Björn Ulvaeus.
Agnetha Fältskog, sot 65 vjeç, Björn Ulvaeus, 70 vjeç, Benny Andersson, 69 vjeç dhe Anni-Frid Lyngstad, 70 vjeç, u panë bashkë për herë të fundit në vitin 2008, kur u shfaqën në tapetin e kuq për premierën e filmit “Mamma Mia!”, bazuar në muzikalin me të njëjtin titull.
ABBA u themeluan në Suedi në vitin 1972 dhe kryesuan klasifikimet botërore të muzikës nga 1975 deri në 1982.
Ata fituan çmimin e parë në Eurovizion në 1974 duke i dhënë Suedisë triumfin e parë në këtë kompeticion dhe ishin grupi më i suksesshëm që ka marrë pjesë ndonjëherë më parë në këtë festival.
Burimi: Daily Mail
