Zyrtare! Balmain i shitet kompanisë së njohur të modës

Kompania me bazë në Katar, “Mayhoola for Investments”, e njohur më shumë në botën e modës si kompania mëmë e Valentino, janë tani zyrtarisht pronarët e Balmain, duke siguruar shumicën e aksioneve të kompanisë franceze.

Përmes një deklarate zyrtare financiare shuma nuk u zbulua, por përflitet se marrëveshja që daton në prill të këtij viti sugjeron se çmimi është rreth 500 milionë euro.

Kjo mund të surprizojë disi, duke ditur që marka bën vetëm 121.5 milionë eeuro në vit, pavarësisht se “The Business of Fashion” sugjeron se çmimi është i tillë për shkak të “lëvizjes” së markës.

Olivier Rousteing mori përsipër markën në 2014-n dhe nisi të kultivonte “Ushtrinë Balmain” të Kardashians dhe supermodeleve.

Burimi: Harper’s Bazaar