Ngjarja e rëndë e Martin Canit vazhdon të diskutohet ende. I ftuar në studion e “Top Story-t”, ishte Erion Ismaili, zëvendësdrejtor i Krimit në Tiranë, i cili dha më shumë detaje në lidhje me sherrin mes viktimës dhe të miturit.
Ai rrëfeu se thika që është postuar në rrjete sociale është tjetër dhe jo ajo me të cilën është kryer vrasja.
“Thika që është postuar është tjetër. Nuk është ajo. Nga ekzaminimi i thikës ka mbetje të gjakut, po bëhen ende ekzaminime dhe së shpejti do dalim në një përfundim. Ajo çfarë ne themi në komunikatën e policisë është e vërtetë. Procesi hetimor nuk ka mbaruar vazhdon. Është spekuluar.”, tha ai.
