Situata nga zjarri vijon të mbetet e vështirë në Shëngjin. Flakët kanë dalë jashtë kontrollit dhe janë përhapur me shpejtësi për shkak edhe të erës së fortë. Flakët kanë rënë në Malin e Shëngjinit prej dy ditësh dhe kanë përparuar drejt zonës turistike të Rranës së Hedhun në Shëngjin, duke krijuar një situatë të rrezikshme pas mesnatës së 29 korrikut.
Mirëpo situata vijon të jete kaotike në malin e Shëngjinit.
Flakët po vijojnë të hapen me shpejtësi të madhe edhe në zonën e rrugës Shëngjin-Velipojë, po ashtu është aktivizuar një tjetër vatër zjarri e re në anën tjetër të malit.
Edhe pse po punohet nga toka dhe ajri, situata mbetet kritike në këtë zonë, ku zjarri po afrohet dhe pranë disa bizneseve dhe banesave.
