Vetëm dy ditë na ndajnë nga startimi i spektaklit më të ri për fëmijë. “The Voice Kids” do të nis të premten në 19 janar dhe pjesë e jurisë do të jenë emrat e njohur: Miriam Cani, Eneda Tarifa, Aleksandër Gjoka dhe Renis Gjoka.
Tashmë kemi zbuluar se si do të vishen trajnerët në netët e pjesës së parë të “The Voice Kids”.
Aleksandër Gjoka do të shfaqet me një xhaketë lëkure ngjyrë kafe dhe me kapelën e tij të zezë që tashmë e identifikon, ndërsa Renisi ka zgjedhur të jetë më klas dhe elegant me një këmishë me jelek.
Eneda Tarifa do të shfaqet me një fustan-xhaketë me mëngë të prera, një veshje moderne që plotëson figurën e saj skenike.
Ndërsa Miriam Cani ka zgjedhur një fustan tyl me mëngë të fryra, të cilat e tregojë si një hirushe.
