Në kuadër të zhdukjes masive të qenve endacakë në rrugët e Tiranës por edhe në qytete të tjera, aktivistët e shoqërisë civile vazhdojnë protestat për mbrojtjen e tyre.
Organizata për mbrojtjen e kafshëve në Shqipëri “Animal Rescue Albania” qëndron në krye të kësaj proteste, pasi ka zbuluar një dokumentacion i cili tregon se Bashkia e Tiranës dhe Agjencia për Mbrojtjen e Konsumatorit në 2017-ën ka kryer një marrëveshje për marrjen e medikamenteve që sigurojnë vrasjen e qenve të rrugës.
Në dokumentet e siguruara nga ata thuhet se kryetari i Bashkisë Tiranë, Erion Veliaj dhe bashkëpunëtorët e tij kanë vënë në jetë planin për vrasjen dhe shfarosjen e 2300 qenve endacakë në Tiranë.
“ARSA Albania” do të vazhdojë misionin e saj me protestën masive ditën e sotme në orën 15:30 para Bashkisë Tiranë. Nën sloganin #NdaloErion, aktivistët synojnë të bindin kryetarin e Bashkisë që të ndalojë shfarosjen e pamëshirshme të qenve endacakë në Tiranë.
