Një tjetër ndëshkim i rëndë ka goditur banorët e Big Brother VIP Albania, pasi ata kanë thyer një nga rregullat bazë të lojës.
Pasditen e së enjtes, tensioni u rrit në shtëpi kur mbërriti një zarf i zi, duke sjellë një vendim të papritur nga Vëllai i Madh.
Prej ditësh, banorët nuk kanë respektuar rregullin e zgjimit në mëngjes dhe kanë vazhduar të flenë edhe pas rënies së alarmit, duke nisur aktivitetet ditore shumë vonë.
Sjellja e tyre ka bërë që produksioni të marrë një masë ndëshkuese të pazakontë. Në zarfin e zi, Vëllai i Madh njoftoi se si pasojë e këtij mosrespektimi, dera e dhomës së gjumit do të mbetet e mbyllur për një afat të papërcaktuar.
