Xhensila Myrtezaj dhe Bes Kallaku disa muaj më parë kurorëzuan me martesë dashurinë e tyre shumë vjeçare. Një dasmë gjigande ku morën pjesë shumë personazhe të njohur.
Çifti na njohu me të gjitha detajet e dasmës së tyre, por për një gjë u treguan shumë të fshehtë. Këngëtarja simpatike është treguar shumë e kujdesshme në mos ekspozimin e unazës së saj të martesës. Madje në disa postime Xhensila është kujdesur që ta mbulojë me emoji unazën.
Nuk e dimë nëse kjo ka të bëjë me ndonjë çështje besytnie të çiftit, apo është çështje modestie, por sot në një postim në “Instastory” Xhensila pa dashje na ka zbuluar unazën që Besi i ka dhuruar ditën e dasmës.
Në video duket një unazë në formë rrethi martese me një gur të çmuar në mes, që me shumë gjasa është një diamant.
