Një ngjarje e rëndë ndodhi në fshatin Baltëz të Fierit këtë të hënë, ku është ekzekutuar me armë një polic.
Novrus Cenalia dyshohet se gjatë një konflikti të çastit, rreth orës 13:15, është vrarë me armë zjarri. Ai ishte jashtë shërbimi por i veshur me uniformën e Policisë, pasi shkonte për të marrë shërbimin.
Agzan Mernica është 23-vjeçari që dyshohet se vrau në mes të ditës Novruz Cenalinë. Sipas Neritan Trifoni, forca të shumta policie janë vënë në ndjekje të autorit, i cili dyshohet se ka braktisur makinën tip “Audi” me të cilën u largua.
Viktima shërbente për policinë e Fierit prej 4 vitesh e ndërsa për forcat Shqiponja 2 vite. Mësohet se viktima Novrus Cenalia ishte me origjinë nga Tropoja.
