Një ngjarje e rëndë ndodhi tre ditë më parë në Dhërmi ku recepsionisti Erald Nevruzi u vra në hotelin ku punonte. Policia ende nuk ka mundur të gjejë armën me të cilën qëlloi autori i dyshuar, Gerald Shehu, i arrestuar në Greqi ku u kap me kërkesë të autoriteteve shqiptare, pasi po tentonte të shkonte në Angli ku dhe jetonte.
Për përkrahje të autorit të krimit, sot Gjykata e Vlorës ka dhënë sot masat e sigurisë ndaj dy të ndaluarve, Daniel Qose e David Larti, që të dy nga Korça, punonjës të hotelit që akuzohen se ndihmuan Shehun të largonte nga mjediset e godinës trupin e pajetë.
Gjykata e shkallës së parë në Vlorë ka vendosur masën e sigurisë “arrest me burg” për dy bashkëpunëtorët e 43 vjecarit Gerald Shehu. Gjykata vendosi masën arrest me burg për David Lartin dhe Daniel Qosen në seancën e zhvilluar me dyer të mbyllura. Seanca gjyqësore për të dy këta shtetas është zhvilluar vecmas. I pari që ka marrë masën e sigurise arrest me burg ka qënë Daniel Qose dhe më pas David Larti.
Bashkëpronarit Shehu, ata i gjetën qese mbeturinash për të fshehur trupin dhe më pas e ndihmuan për ta transportuar në makinë. Ndërkaq, treguan se vrasjen me armë zjarri, Geraldi e kreu te shkallët, pas një konflikti me viktimën.
“Na ka bërtitur me tone të larta për të marrë qeset dhe e kemi futur trupin në bagazh, por më pas nuk dimë gjë.”
Daniel Qose dhe David Larti i thanë policisë se Gerald Shehu e qëlloi dy herë me dy plumba në kokë 31-vjeçarin rreth mesnate, rreth 30 minuta pasi hyri data 6 qershor. Më tej, në orën 04:00 të mëngjesit, ai shkoi në shtëpi, mori rrobat e çantën duke u nisur për në Greqi ku dhe u kap.
Ishte një turiste e huaj që ngriti alarmin për ngjarjen kriminale, duke thënë se dëgjoi të shtëna me armë zjarri. Më pas, vjehrra e autorit të dyshuar, e cila rezulton edhe bashkëpronare e hotelit, njoftoi në telefon policinë, pasi nuk gjeti recepsionistin e as sendet e tij personale, që Shehu i kishte djegur para se të hidhte trupin e pajetë në guroren mes Gjipesë e Vunoit.
