Një virus mister, i panjohur më parë për shkencën, po shkakton sëmundje të rëndë të mushkërive në qytetin kinez Wuhan.
Ky virus është shfaqur që në muajin dhjetor dhe deri tani raportohet se kanë ndërruar jetë 9 persona.
Virusi që ka simptomat e një gripi, është i ngjashëm me virusin SARS i cili ishte përhapur në vitin 2003 në Kinë, duke shkaktuar vdekjen e 800 personave.
Mediat e huaja shkruajnë se nga ky virus janë prekur mbi 440 persona, të cilët po mjekohen dhe po qëndrojnë të izoluar në mënyrë që virusi të mbahet nën kontroll.
Autoritetet kineze u kanë bërë thirrje njerëzit që të shmangin udhëtimet brenda dhe jashtë Wuhan.
Ata që jetojnë në qytetin prej 11 milionë njerëzish, u është këshilluar të shmangin turmat dhe të minimizojnë tubimet publike.
Virusi është përhapur në Wuhan dhe disa provinca kineze. Shenjat e infeksionit përfshijnë probleme me frymëmarrje, ethe, kollë dhe gulçim.
