Viola Spiro është padiskutim një nga moderatoret sportive më të pëlqyera dhe më të komentuara nga publiku shqiptar.
Sezonin e kaluar bukuroshen bjonde e kemi parë duke prezantuar “Studio Europa League” në “RTSH”, ndërkohë së fundmi është zbuluar se ajo është larguar nga televizioni në fjalë.
Spiro tashmë është pjesë e televizionit “Klan Plus”, ku do të prezantojë emisionin sportiv të quajtur “Sport Plus”.
E gjitha është zbuluar nga “TV Klan”, i cili ka transmetuar një spot promovues ku shihet se gjithçka është gati dhe shumë shpejt Viola do të nisë eksperiencën e saj të re në këtë televizion.
Mesa duket moderatorja do jetë përkrah Turjan Hyskos i cili pak ditë më parë publikoi foto nga studioja e “Sport Plus”.
