Ditën e djeshme dy specializantë në spitalin francez në QSUT u konfirmuan me Covid-19.
Kjo ka bërë që spitali të mbyllte dyert ditën e sotme dhe aktualisht po bëhet dezinfektimi i godinës, sipas Dosja.al.
Dy specializantëve iu morën tamponët disa ditë më parë, por vetëm ditën e djeshme u konfirmuan si të prekur.
Ndërkohë, që asnjë informacion nuk është dhënë në lidhje me shërbimet ORL, që tanimë nuk dihet ku do të bëhen dhe pacientët s’dihet se ku do të ekzaminohen.
Deri tani nuk nëse kanë patur kontakte me pacientë apo kolegë.
Kujtojmë se sot në vendin tonë u shënua numri më i lartë i rasteve të reja, pasi Ministria e Shëndetësisë raportoi për 69 raste të reja.
Gjithashtu gjatë orëve të fundit kanë fituar betejën me virusin edhe 11 persona të tjerë, teksa aktualisht në spitalin Infektiv po marrin shërbim 50 pacientë, 7 prej tyre janë në terapi intensive dhe një i intubuar.
Në vendin tonë janë aktualisht 499 persona aktivë me Covid-19.
/Gazetareforma.com
