Moda

Vajzat e arta të Hollivudit: Të veshurat më bukur në tapetin e kuq të “Oscar” (FOTO)

E Hoxha Publikuar 5 Mars 2018 · 09:42 Përditësuar 5 Mars 2018 · 10:23

Burimi: IconStyle Përgjegjësia editoriale: E Hoxha

Vajzat e arta të Hollivudit. Kështu u quajtën disa nga aktoret e veshura më bukur në tapetin e kuq të Çmimeve Oscar që u mbajtën dje.

Bukuroshja bionde Jennifer Lawrence udhëhiqte listën e femrave të veshura me fustane që i ngjasonin statujës së artë. Ajo mbërriti në pistën jashtë Teatrit Dolby e veshur me një fustan mahnitës Dior, që të verbonte.

Lexo edhe :

Pse babai i Callum Turner mungoi në dasmën me Dua Lipën? Detajet që po bëjnë xhiron e rrjetit

16:59 28/07/26

Sezoni i Luanit ka nisur! Pse kjo periudhë konsiderohet më e fuqishmja për të shkëlqyer dhe për të nisur diçka të re

10:47 27/07/26

Yjet e tjerë të filmave, Sandra Bullock, Lupita Nyong’o dhe Gal Gadot, gjithashtu mbërritën të veshura me fustane në ngjyrë ari dhe argjendi, duke u siguruar që të shkëlqenin në tapetin e kuq.

Sandra Bullock kishte veshur fustanin Louis Vuitton, në ngjyrë ari dhe të zezë.

Ylli i “Wonder Woman”, Gal Gadot ishte një bukuri më vete me fustanin e saj të Givenchy 2018 Haute Couture, që kishte një dekolte elegante.

Lupita, 35 vjeç, u sigurua që të kthente kokët e të gjithëve me fustanin e saj të ndritshëm nga Atelier Versace; me një shpatull jashtë, kombinuar me një palë vathë diamanti.

Jennifer Garner shkëlqente me fustanin blu nga Atelier Versace, me një shall të varur pas që i mbulonte disi dekoltenë.

Nicole Kidman gjithashtu zgjodhi blunë, por një version më të errët; i çarë në pjesën e kofshës dhe me një fjongo në bel; aktorja shkëlqente me fustanin e Armani Prive. Më poshtë mund të shihni listën e fustaneve më të bukur që u panë në tapetin e kuq të “Oscars”.